Yaşayış binası çökdü - Ölənlər var 

Suriyanın ən böyük şəhəri Hələb yaxınlığında beşmərtəbəli yaşayış binasının uçması nəticəsində biri uşaq olmaqla, azı 10 nəfər həlak olub.

Novoye-vremya.com  xarici KİV-lərə istinadla xəbər verir ki, yaşayış binasında 30-a yaxın insanın yaşadığı bildirilib.

 Binanın uçmasında səbəb kimi suyun sızması nəticəsində bünövrənin aşınması ehtimal edilir.

 Hazırda xilasedicilər dağıntılar altında sağ qalanları və cəsədləri axtarır.