Dərinin saralması, qarın və bel ağrıları, arıqlama, nəcisin konsistensiyasının dəyişməsi mədəaltı vəzi xərçənginin əlamətləri ola bilər.

BAKU.WS xəbər verir ki, bu barədə Daily Mail məlumat yayıb.

Həzm problemləri, qəbizlik və ishal mədəaltı vəzi xərçənginin inkişafının göstərici ola bilər.  

Bundan əlavə, nəcisin rənginin dəyişməsi xəstəliyin əlamətini göstərə bilər. Steatorreya adlanan vəziyyət nəcisin solğun rəngə çevrilməsinə səbəb ola bilər. Bu, qidadan gələn yağların udulmaması və mədə-bağırsaq traktından xaric olması səbəbindən baş verir.

Eyni zamanda, mədəaltı vəzi xərçəngi lazımsız kilo itkisinə və iştahsızlığa səbəb ola bilər. Digər xəbərdarlıq əlamətlərinə bel və qarın ağrısı daxildir.

Mədəaltı vəzin xərçəngi bədənin digər orqan və toxumalarını sıxaraq qarın nahiyəsində ağrıya səbəb ola bilər.