Türkiyənin İzmir şəhərində yaşayan və 110 yaşında olduğu bildirilən bir qadın, uzun ömrünün sirri ilə bağlı açıqlaması ilə diqqət çəkib.

Novoye-Vremya.com  xəbər verir ki, yaşının çox olmasına baxmayaraq sağlam və gümrah görünüşü ilə maraq doğuran qadın, zarafatla “uzun ömrün sirri” kimi evlənməməyi göstərib.

Ətrafındakılar tərəfindən şən xarakteri və həyata bağlılığı ilə tanınan yaşlı qadının bu sözləri sosial mediada qısa müddətdə gündəm olub. Bir çox istifadəçi isə şərhlərdə bu ifadəni yumorla qarşılayıb.

Mütəxəssislər isə bildirirlər ki, uzun və sağlam ömür tək bir səbəbdən asılı deyil; balanslı qidalanma, aktiv həyat tərzi, stressin idarə olunması və genetik amillər birlikdə təsir göstərir./Oxu24.com/