Yakutiyada faciə: Vahda çalışanları daşıyan avtobus dərəyə aşıb, 14 nəfər ölüb

Yakutiyada "Denisovskiy" Dağ-Metallurgiya Kombinatına məxsus texnoloji avtomobil yolunda ağır yol-nəqliyyat hadisəsi baş verib.

novoye-vremya.com, 32gun.az bildirir ki, bu barədə Rusiya Daxili İşlər Nazirliyinin Yakutiya üzrə idarəsi məlumat verib.

Məlumata görə, hadisə gecə saatlarında qeydə alınıb.

Məlumata əsasən, “Nefaz 4208-34” markalı xidməti avtobus yoldan çıxaraq təxminən 25 metr hündürlükdən dərəyə yuvarlanıb. Qəza nəticəsində sürücü də daxil olmaqla, 14 nəfər həyatını itirib, daha 7 nəfər isə müxtəlif dərəcəli bədən xəsarətləri ilə xəstəxanaya yerləşdirilib.