Ötən gün lokal xarakterli antiterror tədbirlərinin dayandırılması barədə razılıq əldə olunub. Bu münasibətlə sosial şəbəkələrdə yüzlərlə paylaşımlar edilib. 

Axşam.az xəbər verir ki, tanınmış simalar da paylaşımları ilə diqqət çəkiblər. 

Xalq artisti Agün Kazımova paylaşımında "Ey, vətən oğlu, xilaskarı Azərbaycanın... Yaşasın müzəffər Ali Baş Komandan, güclü və qüdrətli Azərbaycan ordusu. Allah şəhidlərimizə rəhmət eləsin, ruhları şad olsun. Azərbaycana, xalqımıza zəfər yaraşır" sözlərini qeyd edib. 

Əməkdar artist Nüşabə Ələsgərli sevincini "Axır ki... 30 il qanımızı içdilər. Allah qəhrəman şəhidlərimizə rəhmət eləsin. Allah qazilərimizə sağlamlıq versin, müzəffər ordumuzu, Ali Baş Komandanımızı qorusun" sözləri ilə bölüşüb. 

Aparıcı Lalə Azərtaş "Yenə də qürurlandırdınız, cənab Prezident. Səbriniz, uzaqgörən siyasətiniz, dəmir iradəniz, yenilməz biləyiniz və tarixi dəyişən qətiyyətli qələbələriniz...Sizi sevirik, Allah sizi bizə və ordumuza çox görməsin" deyə, paylaşımında qeyd edib.